គោលនយោបាយ -ការរស់នៅ គោលនយោបាយ

03/03/2025 - 15:05

លោកឡឹមហ្វាងម៉ូវ នាយកមន្ទីរជនជាតិនិងសាសនាខេត្តសុកត្រាំង៖

ជំរុញការអភិវឌ្ឍតំបន់ជនរួមជាតិភាគតិច

ដោះដូរយោបល់ជាមួយអ្នកយកព័ត៌មានកាសែតកឹងធើភាសាខ្មែរ លោកឡឹមហ្វាងម៉ូវ នាយកមន្ទីរជនជាតិនិងសាសនាខេត្តសុកត្រាំង ឱ្យដឹង៖

លោកឡឹមហ្វាងម៉ូវ នាយកមន្ទីរជនជាតិនិងសាសនាខេត្តសុកត្រាំង។

អនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០ ដំណាក់កាល I ឆ្នាំ ២០២១-២០២៥ (ហៅកាត់ថា កម្មវិធី) ខេត្តបានផ្សព្វផ្សាយព្រមគ្នាៗនូវដំណោះស្រាយអនុវត្តគម្រោងចំនួន ១០ ចំណុះកម្មវិធី សរុបទុនវិនិយោគជាង ៧៩០ ពាន់លានដុង។ មកទល់នឹងបច្ចុប្បន្ន មាន ១២/២៤ ទិសដៅអាចសម្រេចនិងសម្រេចលើសបើប្រៀបធៀបជាមួយនឹងផែនការពីដំណាក់កាលដំបូង។ តាមរយៈនោះ បានរួមចំណែករួមសម្រាប់ការអភិវឌ្ឍសេដ្ឋកិច្ច-សង្គមរបស់ខេត្ត សម្ទុះកំណើនសេដ្ឋកិច្ច ឆ្នាំ ២០២៤ សម្រេចជាង ៧%។ គ្រួសារក្រីក្រលើភូមិសាស្ត្រខេត្ត ថយចុះនៅ ៤.៤៣០ គ្រួសារ ស្រូបអត្រា ១,៣២% នៃចំនួនគ្រួសារប្រជាជន; គ្រួសារខ្មែរក្រីក្រ បច្ចុប្បន្ននៅ ១.៩៦១ គ្រួសារ ស្រូបអត្រា ១,៩១% នៃចំនួនគ្រួសារខ្មែរ។ ជីវភាពរបស់ជនរួមជាតិភាគតិចធានាមានភាពលំនឹង; ហេដ្ឋារចនាសម្ព័ន្ធនៅតំបន់ដែលមានជនរួមជាតិភាគតិចរស់នៅកុះករ តំបន់មានលក្ខណៈសេដ្ឋកិច្ច-សង្គមលំបាកខ្លាំង ត្រូវបានផ្តុំកម្លាំងវិនិយោគ កសាង ឆ្លើយតបទៅនឹងតម្រូវការរបស់ប្រជាជនកាន់តែល្អប្រសើរពីមួយថ្ងៃទៅថ្ងៃ។

* ខេត្តសុកត្រាំង បានផ្សព្វផ្សាយអនុវត្តកម្មវិធីយ៉ាងដូចម្តេច ដើម្បីសម្រេចលើសទិសដៅបើប្រៀបធៀបជាមួយនឹងគម្រោងផែនការដំណាក់កាលដំបូង? ជម្រាបប្រសាសន៍លោក!

ជនបទតំបន់ជនរួមជាតិខ្មែរខេត្តសុកត្រាំង កាន់តែមានការរីកចម្រើន។

- ក្នុងដំណាក់ការអនុវត្តកម្មវិធី តែងទទួលបានការយកចិត្តទុកដាក់ដឹកនាំ ចង្អុលការជិតដិតរបស់គណៈកម្មាធិការបក្សខេត្ត ការចាត់ការយ៉ាងម៉ឺងម៉ាត់របស់គណៈកម្មាធិការប្រជាជនខេត្ត និងការចូលរួមយ៉ាងសកម្មពីគណៈ ផ្នែក និងអង្គការមហាជនគ្រប់លំដាប់ថ្នាក់។ កម្មវិធីបានបង្ហាញពីការចិត្តទុកដាក់របស់បក្ស រដ្ឋ ក្នុងការវិនិយោគអភិវឌ្ឍលើគ្រប់វិស័យនៅតំបន់ជនរួមជាតិភាគតិច ធានាភាពលំនឹងក្នុងការបង្កបង្កើនផលនិងជីវភាពរបស់ជនរួមជាតិភាគតិច។ ហេតុនេះ កម្មវិធីផ្សព្វផ្សាយតែងទទួលបានការគាំទ្រយ៉ាងពេញទំហឹងពីសំណាក់ជនរួមជាតិភាគតិច ដូច្នេះ ពង្រីកបានល្អតួនាទី ការទទួលខុសត្រូវ ឆន្ទៈខ្លួនទីពឹងខ្លួន ខ្នះខ្នែងចូលរួមជាមួយរដ្ឋអំណាចភូមិភាគ ក្នុងការផ្សព្វផ្សាយព្រមៗគ្នានូវដំណោះស្រាយអនុវត្តប្រកបដោយប្រសិទ្ធភាព។

* ជ្រាបប្រសាសន៍លោក សូមលោកជួយចែករំលែកបន្ថែមអំពីបទពិសោធន៍នៃការផ្សព្វផ្សាយអនុវត្តកម្មវិធីដែលសម្រេចបានប្រសិទ្ធភាពខ្ពស់?

- ក្នុងរយៈពេលអនុវត្តកម្មវិធី គណៈកម្មាធិការបក្សនិងរដ្ឋអំណាចគ្រប់លំដាប់ថ្នាក់ តែងបង្កើនកិច្ចចង្អុលការ ដឹកនាំក្នុងការអនុវត្តនិងដាក់ចេញវិធានការដោះស្រាយបញ្ហាលំបាកដែលជាប់ទាក់ទិនបានទាន់ពេល។ ព្រមជាមួយនោះ គ្រប់មន្ទីរ គណៈ ផ្នែកនិងភូមិភាគនានា ផ្តុំកម្លាំងចង្អុលការ ណែនាំ រៀបចំអនុវត្ត ផ្តើមពីនោះ ប្រសិទ្ធភាពដែលសម្រេចបានកាន់តែខ្ពស់។ ទន្ទឹមនឹងនោះ ខេត្តនៅទាំងអនុវត្តល្អការងារកៀរគររាល់ប្រភពកម្លាំង ដើម្បីអនុវត្តព្រមៗគ្នានូវខ្លឹមសារនៃកម្មវិធី; ភូមិភាគនីមួយៗកសាងផែនការដំណោះស្រាយអនុវត្តព្រមៗគ្នា សមស្របនឹងភាពជាក់ស្តែងនៃតំបន់និងភូមិភាគនីមួយៗ; ផ្អែកលើមូលដ្ឋានអនុវត្តគួបផ្សំរាល់ប្រភពទុន ដើម្បីប្រមូលផ្តុំធនធានវិនិយោគឱ្យមានវគ្គមានស្នើ នឹងរួមចំណែកបង្កើនតម្លៃ ទ្រង់ទ្រាយនៃគម្រោងសំណង់ នាំមកប្រសិទ្ធភាពសេដ្ឋកិច្ច-សង្គមកាន់តែខ្ពស់៕

*សូមអរគុណលោក!

លីធាន(កត់ត្រា)-មុនី

ចែករំលែកអត្ថបទ

ពាក្យគន្លឹះ