សុខភាព - អប់រំ អប់រំ

05/02/2024 - 12:51

ភាពរីកចម្រើននៃវិស័យអប់រំនិងបណ្តុះបណ្តាលនៅតំបន់ជនរួមជាតិភាគតិច

ជាច្រើនឆ្នាំកន្លង ទន្ទឹមនឹងការអនុវត្តត្រឹមត្រូវពេញលេញនិងទាន់ពេលនូវរបបនិងគោលនយោបាយសម្រាប់គ្រូបង្រៀន សិស្សានុសិស្ស និងនៅតាមគ្រឹះស្ថានអប់រំតំបន់ជនរួមជាតិភាគតិច ភូមិភាគនានានៅក្រុងកឹងធើ ថែមទាំងអនុវត្តល្អនូវការងារគិតគូរដល់សិស្សជនជាតិភាគតិចដែលមានជីវភាពខ្វះខាត ជួយប្អូនៗមានលក្ខណសម្បត្តិបានទៅរៀនសូត្រ។

ម៉ោងសិក្សារបស់សិស្សសាលាជនជាតិអន្តេវាសិក។

លោកង៉ោថាញវ៉ូវ អនុប្រធានការិយាល័យអប់រំនិងបណ្តុះបណ្តាលស្រុកកើ-ដ ឱ្យដឹង៖ “រយៈពេលជាច្រើនឆ្នាំមកនេះ ផ្នែកអប់រំបានជូនអាហារូបករណ៍ សៀវភៅ ប៊ិក។ល។ ជាច្រើនដល់សិស្សជនជាតិភាគតិចក្នុងឱកាសឆ្នាំសិក្សាថ្មី បុណ្យចូលឆ្នាំថ្មីនិងថ្ងៃបុណ្យទានផ្សេងៗ ផ្តើមពីប្រភពថវិការដ្ឋនិងសប្បុរសជន។ ការអនុវត្តរបបគោលនយោបាយឧបត្ថម្ភដល់សិស្សជនជាតិត្រូវបានធានា ចលនាឧបត្ថម្ភដល់សិស្ស១.០៩២នាក់ រួមមាន សៀវភៅសរសេរ៨.៨៩០ក្បាល កុំព្យួទ័រ១១៧គ្រឿង សៀវភៅសិក្សាគោល១៤២ចប់ សម្ពៀតចំនួន១៣៣ សម្លៀកបំពាក់១៣៧កុំប្លេ អាហារូបករណ៍២០ចំណែក គិតជាទឹកប្រាក់ជាង១៧០,៦លានដុង។ លោកង៉ោថាញវ៉ូវ ឱ្យដឹងបន្ថែម៖ “ក្នុងឱកាសបវេសនកាលឆ្នាំសិក្សាថ្មី ផ្នែកអប់រំសហការជាមួយគណៈ ផ្នែក អង្គការមហាជននានា ឧបត្ថម្ភសៀវភៅសរសេរសៀវភៅសិក្សាគោល អាហារូបករណ៍និងសម្លៀកបំពាក់ដល់សិស្សជនជាតិភាគតិច។ សហការជាមួយការិយាល័យជនជាតិ ផ្សព្វផ្សាយទាន់ពេលពីយន្តការ គោលនយោបាយក្នុងវិស័យអប់រំនិងបណ្តុះបណ្តាលរបស់មជ្ឈិម ក្រុងដែលបានប្រកាសជាធរមាន ដើម្បីឧបត្ថម្ភដល់សិស្ស និងគ្រូបង្រៀនភាសាជនជាតិភាគតិច”។

លោកគ្រូឌាំងឡុកឡាញ់ នាយកអនុវិទ្យាល័យថើយស្វឹង ឱ្យដឹង៖ ឃុំថើយស្វឹងមានជនរួមជាតិខ្មែររស់នៅកុះករ។ សិស្សជនជាតិប្រមូលផ្តុំច្រើនបំផុតនៅភូមិថើយត្រឿង១និងថើយត្រឿង២។ ឆ្នាំសិក្សា២០២៣-២០២៤ សាលាមាន១៨បន្ទប់ មានសិស្សរៀន៦៤៧នាក់ ក្នុងនោះ សិស្សជាជនជាតិភាគតិចមានចំនួន១០៣ នាក់។ ផ្សព្វផ្សាយបញ្ជ្រាបគោលការណ៍របស់បក្ស រដ្ឋ ផ្នែកអប់រំ ម្ល៉ោះហើយចាប់ពីដើមឆ្នាំសិក្សា គណៈនាយកសាលាបានសហការជាមួយសាខាសមាគមជំរុញការសិក្សារបស់សាលា ចង្អុលការដល់គ្រូប្រចាំថ្នាក់ពិនិត្យផ្ទៀងផ្ទាត់ ធ្វើបញ្ជីឈ្មោះសិស្សដែលមានជីវភាពខ្វះខាត បំផុតគឺសិស្សជនជាតិភាគតិច ដើម្បីឧបត្ថម្ភបានទាន់ពេល។ ចាប់តាំងពីដើមឆ្នាំ សិក្សារហូតមកទល់ពេលនេះ សាលាបានចលនាឧបត្ថម្ភអាហារូបករណ៍ សៀវភៅសរសេរ សៀវភៅសិក្សាគោល សម្លៀកបំពាក់ ។ល។ ដល់សិស្ស គិតជាទឹកប្រាក់ជាង៧១,៧ លានដុង។ ប្អូនម៉ាយថៀងគីម សិស្សថ្នាក់ទី ៧A១ អនុវិទ្យាល័យថើយស្វឹង គឺជាសិស្សខ្មែរមួយរូបក្នុងចំណោមសិស្សខ្មែរដែលមានជីវភាពខ្វះខាតបានទទួលការឧបត្ថម្ភអាហារូបករណ៍ពីសមាគមជំរុញការសិក្សាចំនួន២,១លានដុង កាលពីខែវិច្ឆិកា ឆ្នាំ២០២៣កន្លង។ ថៀងគីម សន្យាថា ប្អូននឹងខិតខំព្យាយាមសិក្សាឱ្យបានល្អ ដើម្បីបំពេញបំណងធ្វើជាគ្រូបង្រៀន។

នៅសាលាជនជាតិអន្តេវាសិក គណៈនាយកសាលានិងអង្គការមហាជននានាបានរៀបចំសកម្មភាពគិតគូរពីជីវភាពសម្ភារៈ ស្មារតីដល់សិស្ស។ ឆ្នាំសិក្សា២០២៣-២០២៤ សាលាមានសិស្ស៤៨២នាក់ សិក្សាកម្រិតអនុវិទ្យាល័យនិងវិទ្យាល័យ។ នៅដើមឆ្នាំសិក្សា សាលាបានពិនិត្យផ្ទៀងផ្ទាត់ ធ្វើបញ្ជីឈ្មោះសិស្ស៦៣ នាក់ដែលមានជីវភាពខ្វះខាត ដើម្បីឧបត្ថម្ភអំណោយ សៀវភៅសរសេរ សៀវភៅសិក្សាគោល។ល។ លោកគ្រូត្រឿងវ៉ាន់ហ្វិញ លេខាសម្ព័ន្ធយុវជននៃសាលាជនជាតិអន្តេវាសិក ឱ្យដឹង៖ “ទន្ទឹមនឹងការគិតគូរពីជីវភាពសម្ភារៈ រីឯសកម្មភាពអង្គការមហាជន ដោះដូរវប្បធម៌ សិល្បៈ។ល។ ក៏ត្រូវបានសាលាយកចិត្តទុកដាក់រៀបចំឡើងផងដែរ”៕

ប៊ិកង៉ុក-មុនី

ចែករំលែកអត្ថបទ

ពាក្យគន្លឹះ