គោលនយោបាយ -ការរស់នៅ គោលនយោបាយ

20/03/2023 - 17:00

យកចិត្តទុកដាក់អនុវត្តមានប្រសិទ្ធភាពគោលនយោបាយពិសេសដោយឡែក

តាមប្រសាសន៍លោកថាច់យឿង ប្រធានគណៈជនជាតិខេត្តវិញឡុង កម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០២៥ កំពុងបានផ្សព្វផ្សាយអនុវត្តប្រកបដោយប្រសិទ្ធភាពនៅតំបន់ជនជាតិលើភូមិសាស្រ្តខេត្ត។

កម្មាភិបាលភូមិភាគនៅខេត្តវិញឡុង ឧស្សាហ៍ចុះទៅសួរសុខទុក្ខពិភាក្សាអំពីស្ថានភាព
ភូមិស្រុកជាមួយនឹងអ្នកមានប្រជាប្រិយ។

ក្នុងនោះ គម្រោងវិនិយោគហេដ្ឋារចនាសម្ព័ន្ធសំខាន់ៗ បម្រើផលិតកម្ម ជីវភាព ក្នុងតំបន់ជនរួមជាតិភាគតិច និងអង្គភាពស្ថាប័នរដ្ឋលើវិស័យជនជាតិ ត្រូវបានអនុវត្តប្រកបដោយប្រសិទ្ធភាព អាទិភាពចំពោះភូមិ ឃុំ លំបាកខ្លាំង។ គណៈជនជាតិសហការជាមួយនឹងភូមិភាគ ធ្វើសេនាធិការជូនគណៈកម្មាធិការ ប្រជាជនខេត្ត ផ្ដល់សច្ចាប័ននិងផ្ដល់ទុនអនុវត្តសំណង់ចំនួន ៨ (មានសំណង់ចំនួន ៥ ពីប្រភពទុនវិនិយោគ អាស្រ័យគណៈគ្រប់គ្រងគម្រោង ស្រុកត្រាអូងគ្រប់គ្រង និងសំណង់ធារាសាស្រ្តចំនួន ៣ ពីប្រភពទុនបុព្វហេតុ អាស្រ័យគណៈជនជាតិគ្រប់គ្រងនិងសហការជាមួយនឹងភូមិភាគរៀបចំផ្សព្វផ្សាយអនុវត្ត)។ សរុបថវិកាអនុវត្តគម្រោងទាំងនេះ គឺជាង៩ពាន់លានដុង រួមទាំងថវិកាមជ្ឈិមនិងថវិកាភូមិភាគ។ សំណង់ទាំងអស់បានកសាងសម្រេចរួចរាល់ ឆ្លើយតបទៅនឹងតម្រូវការរបស់មាមីងតំបន់ជនរួមជាតិភាគតិច។

មានប្រភពទឹកស្រោចស្រពលំនឹង កសិករតំបន់ជនជាតិនៅខេត្តវិញឡុង បានកែប្រែដីចម្ការចាស់ងាកមកដាំប្រភេទដំណាំដែលមានតម្លៃសេដ្ឋកិច្ច។

ផ្លូវធំៗនៅភូមិតាធាយ ឃុំតឹងមី ត្រូវបានចាក់កៅស៊ូ ចំណែកផ្លូវតូចៗសុទ្ធតែបានចាក់បេតុង។

ឃុំតឹងមី ស្រុកត្រាអូង ជាឃុំលំបាកខ្លាំង ម្ល៉ោះហើយត្រូវបានអាទិភាពវិនិយោគសំណង់ជាច្រើន តួយ៉ាងដូច ចាក់បេតុងផ្លូវសាលារៀន បឋមសិក្សាតឹងមី A - ស្ពានបា-ស នៅភូមិវាល; ចាកបេតុងផ្លូវស្ពានវត្តតាធាយ-ញ៉ាដុង នៅភូមិតាធាយ; ជីកស្ដារប្រឡាយណាមហា នៅភូមិមីអាង និងប្រឡាយតឺភេន នៅភូមិតាមោង ។ល។ សំណង់ទាំងអស់បានដាក់ឱ្យប្រើប្រាស់ ជួយឱ្យមាមីងធ្វើដំណើរទៅមកបានងាយស្រួល និងធានាបានប្រភពទឹកសម្រាប់ផលិតកសិកម្ម ចិញ្ចឹមជលផល។

ខេត្តវិញឡុង ក៏អនុវត្តមានប្រសិទ្ធភាពនូវគោលនយោបាយចំពោះអ្នកមានប្រជាប្រិយតាមសេចក្ដីសម្រេចលេខ ១២/QĐ-TTg ចុះថ្ងៃទី ០៦/៣/២០១៨ របស់នាយករដ្ឋមន្រ្តីនៃរដ្ឋាភិបាល។ ក្នុងឆ្នាំ២០២២ គណៈជនជាតិបានរៀបចំនាំតំណាងអ្នកមានប្រជាប្រិយឆ្នើមរបស់ខេត្តវិញឡុង ទៅទស្សនកិច្ច រៀនសូត្របទពិសោធន៍នៅតាមខេត្តភូមិភាគកណ្ដាល ភូមិភាគកណ្ដាលប៉ែកខាងជើង និងតីង្វៀង; រៀបចំជូន និងទទួលតំណាងអ្នកមុខអ្នកការសាសនា និងអ្នកមានប្រជាប្រិយចូលរួមសន្និបាតហ្វឹកហ្វឺនបំណិនផ្សព្វផ្សាយ អប់រំច្បាប់តំបន់វាលរាបទន្លេគឺវឡុង នៅក្រុងកឹងធើ។ល។ លោកថាច់អង អ្នកមានប្រជាប្រិយនៅឃុំទ្រុងថាញ់ ស្រុកវ៉ុងលីម ឱ្យដឹង៖ “មិនត្រឹមតែបានភូមិភាគ យកចិត្តទុកដាក់សួរសុខទុក្ខក្នុងឱកាសបុណ្យទានប៉ុណ្ណោះទេ ខ្ញុំនៅទាំងបានទៅទស្សនកិច្ច រៀនសូត្របទពិសោធន៍ទៀតផង។ ការយកចិត្តទុកដាក់របស់បក្ស រដ្ឋ បានធ្វើឱ្យខ្ញុំកាន់តែយល់ច្បាស់ថា យើងកាន់តែមានភារកិច្ចចំពោះភូមិស្រុក និងសហគមន៍”៕

ហាថាញ-ថាច់ធី

ចែករំលែកអត្ថបទ

ពាក្យគន្លឹះ