សុខភាព - អប់រំ អប់រំ

23/10/2018 - 16:05

ឆ្ពោះទៅកាន់ជនរួមជាតិខ្មែរ

សាខាសមាគមនិស្សិតវិញចូវចំណុះអន្តរសាខាសមាគមនិស្សិតសុកត្រាំង (សាកលវិទ្យាល័យកឹងធើ) រួមមានសមាជិកជាង២៣០នាក់ ក្នុងនោះ មានសមាជិកជនជាតិខ្មែរជាង១០០នាក់។ រយៈកាលកន្លង សាខាសមាគមរៀបចំសកម្មភាពជាច្រើនដើម្បីរួមចំណែកអភិរក្ស ពង្រីកអត្តសញ្ញាណវប្បធម៌ជនរួមជាតិខ្មែរ ទន្ទឹមនឹងនោះ ផ្សព្វផ្សាយអនុវត្តសំណង់ការងារជាច្រើនឆ្ពោះទៅកាន់ភូមិកំណើត។

សាខាសមាគមនិស្សិតវិញចូវ ទៅសួរសុខទុក្ខជូនអំណោយនិងរៀបចំលេងល្បែងកម្សាន្តជូនកុមារ

មានជីវភាពលំបាកនៅខេត្តសុកត្រាំង។

បុណ្យសែនព្រះខែ ឆ្នាំ២០១៨ សាខាសមាគមនិស្សិតវិញចូវ បានបំផុសចលនាដល់សមាជិកធ្វើគោមចំនួន៧០០ជូនកុមារក្រីក្រ ពិសេសគឺកុមារជនរួមជាតិខ្មែរទីរួមខេត្តវិញចូវ។ យោងតាមប្រសាសន៍ ប្រធានសាខាសមាគម យ៉ីបមិញសាង និស្សិតផ្នែកវៀតណាមវិទ្យា ទន្ទឹមនឹងការរៀបចំបុណ្យសែនព្រះខែ រយៈកាល២ឆ្នាំ កន្លង សាខាសមាគមនិស្សិតបានបំផុសនូវទម្រង់ជាច្រើនជួយដល់សមាជិក កុមារមានស្ថានភាពលំបាកនៅវិញចូវ។ តួយ៉ាងដូច៖ ទម្រង់ “បណ្ណាល័យចែករំលែក” (រួមវិភាគទានសៀវភៅពុម្ព ឯកសារជំនួយនិស្សិតថ្មី រួមភូមិកំណើត) ឬរៀបចំកម្មវិធីសិល្បៈ បង្កើតមូលនិធិឧបត្ថម្ភនិស្សិតឆ្លងកាត់លំបាក រៀនពូកែ។ ឆ្នាំសិក្សា២០១៧-២០១៨ សាខាសមាគមនិស្សិតរួមជាមួយសាលា អនុវិទ្យាល័យនិងវិទ្យាល័យខាញ់ហ្វា (ទីរួមខេត្តវិញចូវ) ចលនាបង្កើតមូលនិធិអាហារូបករណ៍បានទឹកប្រាក់ចំនួន២៨លានដុង; ឧទេ្ទសនាមនិស្សិតឆ្លងកាត់លំបាក រៀនពូកែ ទទួលអាហារូបករណ៍លឿងឌិញកួ១៩នាក់ (មួយចំណែកៗ ចំនួនទឹកប្រាក់៣លានដុង)។

រួមចំណែកដាស់ភ្ងោកស្មារតីទទួលបន្ទុករបស់យុវវ័យ ឱកាសវិស្សមកាលកន្លង ហើយសាខាសមាគមនិស្សិតវិញចូវរៀបចំយុទ្ធនាការបៃតង នៅឃុំឡាយហ្វា (ក្រុងវិញចូវ) ជាមួយនឹងសកម្មភាពជាក់ស្ដែង។ ក្នុងនោះ មានសកម្មភាពទៅសួរសុខទុក្ខនិងជូនអំណោយអ្នកម្ដាយវៀតណាមវីរភាព; ជួយបង្រៀនបន្ថែមដល់សិស្សក្រីក្រ កាប់ឆ្ការគុម្ពោតព្រៃ អនាម័យបរិស្ថាន ឧបត្ថម្ភភូមិភាគកសាងជនបទថ្មី។

អាស្រ័យមាននិស្សិតខ្មែរច្រើន សាខាសមាគមនិស្សិតច្នៃប្រតិដ្ឋរៀបចំសកម្មភាពវប្បធម៌សិល្បៈដើម្បីអប់រំ អភិរក្សពង្រីកលក្ខណៈវប្បធម៌ និងដាស់ភ្ងោកនូវមោទនភាពជនជាតិ។ ក្រៅពីនោះ សាខាសមាគមនិស្សិតនៅទាំងរៀបចំប្រឡងសម្ដែងបង្ហាញសម្លៀកបំពាក់ប្រពៃណីខ្មែរ ស្វែងយល់ពីទឹកដីនិងមនុស្សវិញចូវ។ល។ ប្អូនត្រឹងអាយទ្រិញនិស្សិតផ្នែកភាសាអង់គ្លេស ឲ្យដឹង៖ “វិញចូវមានជនរួមជាតិខ្មែរ ច្រើនរស់នៅស្រុះស្រួលជាមួយបងប្អូនជនជាតិកិញ។ ម៉្លោះហើយ រាល់សកម្មភាពដែលដិតដាមដោយអត្តសញ្ញាណជាតិ មិនត្រឹមតែបង្កើនជីវភាពស្មារតីជូននិស្សិតនៅទាំងជួយអភិរក្ស ផ្សព្វផ្សាយលក្ខណៈវប្បធម៌ជនរួមជាតិខ្មែរដល់អ្នកទាំងឡាយទៀតផង”៕

ក្វឹកថៃ-ទីទុយ

ចែករំលែកអត្ថបទ

ពាក្យគន្លឹះ