ព្រឹត្តិការណ៍ - នយោបាយ ព្រឹត្តិការណ៍

18/07/2026 - 16:09

ខេត្តកាម៉ាវ ចាត់តាំងយកសំណាក និងប្រគល់សំណាកអដ្ឋិធាតុយុទ្ធជនពលីចំពោះផ្នូដែលមិនទាន់កំណត់បានព័ត៌មាន

នៅព្រឹកថ្ងៃទី ១៧ ខែកក្កដា គណៈចង្អុលការ ៥១៥ ខេត្តកាម៉ាវ បានចាត់តាំងយកសំណាក និងប្រគល់សំណាកអដ្ឋិធាតុយុទ្ធជនពលីចំពោះផ្នូចំនូន ៧៦១ ដែលមិនទាន់កំណត់បានព័ត៌មាននៅទីបញ្ចុះសពយុទ្ធជនពលីឃុំភឿកឡុង ដើម្បីបម្រើការពិនិត្យវាយតម្លៃ ADN និងកំណត់អត្តសញ្ញាណយុទ្ធជនពលី។

ថ្នាក់ដឹកនាំខេត្តកាម៉ាវ អុជធូបរំលឹកគុណវីរយុទ្ធជនពលីនៅទីបញ្ចុះសពឃុំភឿកឡុង។

នៅទីនោះ អ្នកតំណាងទាំងឡាយបានដាក់កម្រងផ្កា អុជធូបរំលឹក បង្ហាញពីការដឹងគុណយ៉ាងជ្រាលជ្រៅចំពោះវីរយុទ្ធជនពលីដែលបានលះបង់ជីវិតដើម្បីបុព្វហេតុតស៊ូរំដោះជាតិ ការពារមាតុភូមិ។ បន្ទាប់ពីពិធីអុជធូប សមមិត្តក្នុងថ្នាក់ដឹកនាំបានតាមដានដោយផ្ទាល់នូវដំណើរការជីកកកាយ និងយកសំណាកអដ្ឋិធាតុត្រូវតាមសេចក្តីកំណត់ឯកទេស; ទន្ទឹមនោះ ក៏បានសួរសុខទុក្ខ និងលើកទឹកចិត្តកងកម្លាំងបំពេញភារកិច្ច ពង្រីកស្មារតីទទួលខុសត្រូវ ធានាភាពហ្មត់ចត់ ច្បាស់លាស់ និងរក្សាការគោរពក្នុងអំឡុងដំណើរការយកសំណាក។

សមមិត្ត ង៉ោវ៉ូវថាំង អនុប្រធានគណៈកម្មាធិការប្រជាជនខេត្តកាម៉ាវ ឱ្យដឹង៖ ការយកសំណាកអដ្ឋិធាតុយុទ្ធជនពលីដើម្បីពិនិត្យវាយតម្លៃ ADN គឺជាភារកិច្ចមានអត្ថន័យនយោបាយ និងមនុស្សធម៌ដ៏ជ្រាលជ្រៅ រួមចំណែកអនុវត្តបានល្អនូវការងារ "តបស្នងសងគុណ" ឆ្លើយតបនឹងគោលបំណងរបស់សាច់ញាតិគ្រួសារយុទ្ធជនពលី និងទូទាំងសង្គម។ សមមិត្ត បានសំណូមពរឱ្យកងកម្លាំងជាប់ពាក់ព័ន្ធសហការស្អិតល្មួត អនុវត្តត្រឹមត្រូវតាមលំដាប់លំដោយ ធានាគុណភាព សន្ទុះដំណើរការ និងសុវត្ថិភាពជាដាច់ខាត។

តំណាងថ្នាក់ដឹកនាំខេត្តកាម៉ាវ ត្រួតពិនិត្យមើលការយកសំណាកអដ្ឋិធាតុយុទ្ធជនពលី ដើម្បីពិនិត្យវាយតម្លៃ ADN។

តាមផែនការ ការយកសំណាកអដ្ឋិធាតុត្រូវបានអនុវត្តចាប់ពីថ្ងៃទី ១៧ ខែកក្កដា ឆ្នាំ២០២៦ និងប្រគល់សំណាកដល់វិទ្យាស្ថានវិទ្យាសាស្ត្រព្រហ្មទណ្ឌ (ក្រសួងនគរបាល) ដើម្បីពិនិត្យវាយតម្លៃ ADN កំណត់អត្តសញ្ញាណ នឹងប្រព្រឹត្តឡើងចាប់ពីថ្ងៃទី ៣ ខែសីហា ដល់ថ្ងៃទី២១ ខែសីហា ឆ្នាំ២០២៦៕

យ្វីអាញ - វិមាន

ចែករំលែកអត្ថបទ

ពាក្យគន្លឹះ