ព្រឹត្តិការណ៍ - នយោបាយ ព្រឹត្តិការណ៍

07/07/2026 - 21:37

ទីក្រុងកឹងធើ ជំរុញខ្លាំងក្លាបណ្តាការចលនាប្រឡងប្រណាំស្នេហាជាតិ

ក្នុងរយៈពេល ៦ ខែដើមឆ្នាំ ២០២៦ គណៈកម្មាធិការប្រជាជនទីក្រុងកឹងធើ បានផ្សព្វផ្សាយចលនាប្រឡងប្រណាំងស្នេហាជាតិជាច្រើន ផ្សារភ្ជាប់ការអនុវត្តភារកិច្ចអភិវឌ្ឍន៍សេដ្ឋកិច្ច-សង្គម ធានាការពារជាតិ សន្តិសុខ និងកសាងប្រព័ន្ធនយោបាយ។

ថ្នាក់ដឹកនាំឃុំញ៉ឹងអាយ បានទៅសួរសុខទុក្ខ និងក្តោបក្តាប់ស្ថានការណ៍ដោះស្រាយនីតិវិធីរដ្ឋបាល រួមចំណែកលើកកម្ពស់គុណភាពបម្រើប្រជាជន។

ទីក្រុង បានធ្វើឱ្យជាក់ច្បាស់នូវបណ្តាចលនាប្រឡងប្រណាំងដែលនាយករដ្ឋមន្ត្រីបានបំផុស ដូចជា៖ "ជំរុញការអភិវឌ្ឍហេដ្ឋារចនាសម្ព័ន្ធព្រមៗគ្នា និងទំនើប អនុវត្តការសន្សំសំចៃនិងប្រឆាំងការខ្ជះខ្ជាយ", "ទូទាំងប្រទេសប្រឡងប្រណាំងកសាងសង្គមរៀនសូត្រ ជំរុញការសិក្សាពេញមួយជីវិត ដំណាក់កាល ២០២៣-២០៣០", ការអនុវត្ត "ប្រជាសិក្សាឌីជីថល", ការប្រឡងប្រណាំងអំពីការផ្លាស់ថ្មីនិងច្នៃប្រតិដ្ឋ ការអភិវឌ្ឍវិទ្យាសាស្ត្រ បច្ចេកវិទ្យា និងការផ្លាស់ប្តូរឌីជីថល។ ទន្ទឹមនឹងនោះ បំផុសនូវបណ្តាចលនាប្រឡងប្រណាំងប្រធានបទផ្សារភ្ជាប់ជាមួយភារកិច្ចស្នូល ដូចជា៖ ការចាត់តាំងជោគជ័យនូវការបោះឆ្នោតជ្រើសតាំងតំណាងរដ្ឋសភា នីតិកាលទី XVI និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២៦-២០៣១ ការកែទម្រង់រដ្ឋបាល ការការពារបរិស្ថាន ជំរុញល្បឿនបណ្តាសំណង់សំខាន់ៗ និងការលើកកម្ពស់អត្រានៃការរំសាយទុនវិនិយោគរដ្ឋ...។

គណៈកម្មាធិការប្រជាជនទីក្រុង បានប្រកាសសេចក្តីសម្រេច លេខ ៤៣/២០២៦/QĐ-UBND បទប្បញ្ញត្តិស្តីពីការងារប្រឡងប្រណាំង ស្ងើចសរសើរនិងជូនរង្វាន់នៅក្នុងភូមិភាគទីក្រុង បង្កើតជាមូលដ្ឋានគតិយុត្តឯកភាពគ្នាសម្រាប់ការចាត់តាំងបណ្តាចលនាប្រឡងប្រណាំង និងការអនុវត្តការងារស្ងើចសរសើរនិងជូនរង្វាន់ស្របតាមបទប្បញ្ញត្តិនៃច្បាប់។ គិតត្រឹមថ្ងៃទី ១០ ខែមិថុនា ឆ្នាំ ២០២៦ ទូទាំងទីក្រុងមានចំនួន ៨៧ ករណី បានប្រធានរដ្ឋប្រទានគ្រឿងឥស្សរិយយសពលកម្មគ្រប់ចំណាត់ថ្នាក់ មាន ៤ សមូហភាព បានប្រគល់ជូនទង់ប្រឡងប្រណាំងរបស់រដ្ឋាភិបាល មានសមូហភាពចំនួន ១៣ និងបុគ្គលចំនួន ៤៦៥ រូប បាននាយករដ្ឋមន្ត្រីប្រគល់ជូនប័ណ្ណសរសើរ...។

បណ្តាចលនាប្រឡងប្រណាំង បានរួមចំណែកលើកទឹកចិត្តដល់កម្មាភិបាល អ្នករដ្ឋការ និងប្រជាជនក្នុងការលើកកម្ពស់ស្មារតីទទួលខុសត្រូវ រួមកម្លាំងអនុវត្តភារកិច្ចនយោបាយរបស់ទីក្រុង៕

គៀងក្វឹក-ត្រឹងរ៉ូន

ចែករំលែកអត្ថបទ

ពាក្យគន្លឹះ