ព្រឹត្តិការណ៍ - នយោបាយ ព្រឹត្តិការណ៍

28/11/2025 - 17:35

រួមបញ្ចូលកម្មវិធីទិសដៅជាតិ ចំនួន ៣ ដើម្បីផ្តល់អាទិភាពដល់ប្រភពធនធានសម្រាប់តំបន់ជនជាតិភាគតិច

គណៈកម្មាធិការអចិន្ត្រៃយ៍រដ្ឋសភាបានឯកភាពលើការរួមបញ្ចូលកម្មវិធីទិសដៅជាតិចំនួន ៣ ព្រមទាំងបានស្នើឱ្យមានយន្តការតែមិនបន្ថយគោលនយោបាយ មិនបង្អាក់ មិនកាត់បន្ថយប្រភពធនធានវិនិយោគ អាទិភាពប្រមូលផ្តុំប្រភពធនធានសម្រាប់តំបន់ជនជាតិភាគតិចនិងតំបន់ភ្នំ។

គណៈកម្មាធិការអចិន្ត្រៃយ៍រដ្ឋសភាបានគិតគូរដល់ការផ្តល់អាទិភាពប្រភពធនធាន បង្កើនកម្រិតផ្តល់ផ្ទេរទុនសម្រាប់ឃុំដែលមានការលំបាកពិសេស ឃុំក្រីក្រតំបន់ជនជាតិភាគតិចនិងតំបន់ភ្នំ។ រូបថត៖ រដូវប្រមូលផលនៅតំបន់ជនជាតិភាគតិចនិងតំបន់ភ្នំ។ រូប៖ ហ្វាងយឿង

ផ្តល់អាទិភាពប្រមូលផ្តុំប្រភពធនធានវិនិយោគសម្រាប់តំបន់ជនជាតិភាគតិចនិងតំបន់ភ្នំ

ថ្មីៗនេះ ការិយាល័យរដ្ឋសភាបានចេញសេចក្តីប្រកាសលេខ ៤៦៦៥/TB-VPQH ចុះថ្ងៃទី ២៧/១១/២០២៥ ស្តីពីសេចក្តីសន្និដ្ឋានរបស់គណៈកម្មាធិការអចិន្ត្រៃយ៍រដ្ឋសភាចំពោះគោលការណ៍វិនិយោគលើកម្មវិធីទិសដៅជាតិ ស្តីពីកសាងជនបទថ្មី កាត់បន្ថយភាពក្រីក្រដោយចីរភាព អភិវឌ្ឍន៍សេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ ដំណាក់កាលឆ្នាំ ២០២៦ - ២០៣៥។

តាមនោះ នៅថ្ងៃទី ២៤/១១/២០២៥ ក្នុងសម័យប្រជុំលើកទី ៥១ គណៈកម្មាធិការអចិន្ត្រៃយ៍រដ្ឋសភាបានពិនិត្យ ផ្តល់មតិចំពោះគោលការណ៍វិនិយោគលើកម្មវិធីទិសដៅជាតិស្តីពីកសាងជនបទថ្មី កាត់បន្ថយភាពក្រីក្រដោយចីរភាព និងអភិវឌ្ឍន៍សេដ្ឋកិច្ច - សង្គមតំបន់ជនជាតិភាគតិច និងតំបន់ភ្នំ ដំណាក់កាលឆ្នាំ ២០២៦ - ២០៣៥ តាមសេចក្តីស្នើរបស់រដ្ឋាភិបាល។

គណៈកម្មាធិការអចិន្ត្រៃយ៍រដ្ឋសភាបានឯកភាពជាមួយសេចក្តីស្នើរបស់រដ្ឋាភិបាលស្តីពីគោលការណ៍រួមបញ្ចូលកម្មវិធីទិសដៅជាតិចំនួន ៣ (កសាងជនបទថ្មី កាត់បន្ថយភាពក្រីដោយចីរភាព និងអភិវឌ្ឍន៍សេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ) អនុវត្តក្នុងដំណាក់កាល ២០២១- ២០២៥ ទៅជាកម្មវិធីទិសដៅជាតិតែ ១ អនុវត្តក្នុងដំណាក់កាល ២០២៦ - ២០៣៥ ដើម្បីប្រមូលផ្តុំប្រភពធនធាន លើកកម្ពស់ប្រសិទ្ធភាពនៃការគ្រប់គ្រង ចាត់ចែងដោះស្រាយនូវចំណុចខ្វះខាត អន់ថយនៃដំណាក់កាលមុន។ គណៈកម្មាធិការអចិន្ត្រៃយ៍រដ្ឋសភាបានឯកភាពដាក់ជូនរដ្ឋសភាពិនិត្យ សម្រេចគោលការណ៍វិនិយោគលើកម្មវិធីទិសដៅជាតិ។

គណៈកម្មាធិការអចិន្ត្រៃយ៍រដ្ឋសភាសំណូមពរឱ្យរដ្ឋាភិបាលចង្អុលការដល់បណ្តាក្រសួង ផ្នែក ស្ថាប័នពាក់ព័ន្ធធ្វើការត្រួតពិនិត្យ ស្រាវជ្រាវ ទទួលមតិរបស់គណៈកម្មាធិការអចិន្ត្រៃយ៍រដ្ឋសភា មតិពិនិត្យរបស់ក្រុមប្រឹក្សាជនជាតិ បណ្តាគណៈកម្មាធិការរបស់រដ្ឋសភា ដើម្បីបំពេញបន្ថែមនូវសេចក្តីស្នើ សេចក្តីព្រាងសេចក្តីសម្រេចចិត្ត និងឯកសារពាក់ព័ន្ធនានាដាក់ជូនរដ្ឋសភាក្នុងសម័យប្រជុំលើកទី ១០។

គណៈកម្មាធិការអចិន្ត្រៃយ៍រដ្ឋសភារំលឹក៖ គប្បីពន្យល់ឱ្យបានច្បាស់លាស់ថែមទៀតនូវការរួមបញ្ចូលវិធីដោះស្រាយចំណុចខ្វះខាត អន់ថយនៃដំណាក់កាលមុន យន្តការធានាថាមិនកាត់បន្ថយគោលនយោបាយ មិនបង្អាក់ មិនកាត់បន្ថយប្រភពធនធានវិនិយោគសម្រាប់កម្មវិធី ទស្សនៈផ្តល់អាទិភាព ប្រមូលផ្តុំប្រភពធនធានវិនិយោគសម្រាប់តំបន់ជនជាតិភាគតិចនិងតំបន់ភ្នំ ឆាប់សម្រេច ដាក់ចេញនូវក្រមលក្ខឋានស្តីពីជនបទថ្មី កាត់បន្ថយភាពក្រីក្រដោយចីរភាពដែលសមស្របទៅនឹងលក្ខណៈពិសេសនៃតំបន់នានា ត្រួតពិនិត្យការកំណត់បែងចែកឃុំ ភូមិ តំបន់ជនជាតិភាគតិចនិងតំបន់ភ្នំ ធានាការកសាងកម្មវិធី។

ទន្ទឹមនឹងនោះ បន្តត្រួតពិនិត្យ ផ្លាស់ថ្មីនូវដំណោះស្រាយ របៀបធ្វើធានាតម្លាភាព មិនជាន់គ្នារវាងសមាសភាគ និងក្រុមភារកិច្ច ត្រួតពិនិត្យឱ្យបានល្អិតល្អន់នូវមុខសញ្ញា ភូមិឋាន ធានាមិនឆ្លកមុខសញ្ញានិងមិនជាន់គ្នាអំពីការវិនិយោគរវាងសមាសភាគ ភារកិច្ច ក៏ដូចជាកម្មវិធីទិសដៅជាតិផ្សេងទៀត មិនដាក់បញ្ចូលទៅក្នុងកម្មវិធីនូវបណ្តាភារកិច្ចដែលមានលក្ខណៈជាប្រចាំរបស់ក្រសួង ផ្នែក ភូមិភាគឡើយ។

ប្រគល់ជូនក្រសួងជំនាញគ្រប់គ្រងរដ្ឋអំពីជនជាតិទទួលបន្ទុកសំខាន់លើសមាសភាគទី ២

គណៈកម្មាធិការអចិន្ត្រៃយ៍រដ្ឋសភាបានឯកភាពលើការប្រគល់ជូនស្ថាប័នមួយធ្វើជាក្បាលម៉ាស៊ីន ទទួលបន្ទុកកម្មវិធីនេះ ធ្វើឱ្យច្បាស់លាស់នូវការទទួលខុសត្រូវរបស់ស្ថាប័នទទួលបន្ទុកកម្មវិធី ប្រគល់ច្បាស់លាស់ស្ថាប័នទទួលបន្ទុកសមាសភាគ ខ្លឹមសារនីមួយៗ និងស្ថាប័នសហប្រតិបត្តិការ។ កម្មវិធីទិសដៅជាតិស្តីពីអភិវឌ្ឍន៍សេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំ ដោយរួបរួមគោលនយោបាយជនជាតិចំនួន ១១៨ ដូច្នេះស្នើឱ្យរដ្ឋាភិបាលថ្លឹងថ្លែង យកចិត្តទុកដាក់ប្រគល់ជូនក្រសួងជំនាញគ្រប់គ្រងរដ្ឋអំពីជនជាតិ ទទួលបន្ទុក សហប្រតិបត្តិការជាមួយបណ្តាស្ថាប័នពាក់ព័ន្ធអនុវត្តសមាសភាគទី ២។

កំណត់ច្បាស់នូវយន្តការសហប្រតិបត្តិការជាចាំបាច់រវាងបណ្តាក្រសួង ផ្នែក ភូមិភាគ ភារកិច្ចបកស្រាយ បែងចែកសិទ្ធិភ្ជាប់ជាមួយប្រភពធនធានជូនភូមិភាគ បង្កើនតួនាទីរបស់ថ្នាក់ឃុំក្នុងការចាត់ចែងអនុវត្ត មានយន្តការត្រួតពិនិត្យដើម្បីគ្រប់គ្រងហានិភ័យ ជៀសវាងការបែងចែករាយប៉ាយ។

សេចក្តីប្រកាសក៏បានបញ្ជាក់ច្បាស់នូវការយកចិត្តទុកដាក់ត្រួតពិនិត្យ កំណត់ឱ្យបានច្បាស់លាស់មុខសញ្ញាទទួលផល ធានាភាពច្បាស់លាស់ មានចំណុចគន្លឹះ អាទិភាពប្រភពធនធាន បង្កើនកម្រិតផ្តល់ផ្ទេរទុនសម្រាប់ឃុំដែលលំបាកខ្លាំង ឃុំក្រីក្រតំបន់ជនជាតិភាគតិច តំបន់ភ្នំ ទិសដៅរួមនិងលម្អិតគប្បីបរិមាណបានធានាលទ្ធភាពអនុវត្តបានសមស្របជាមួយប្រភពធនធាននិងបរិការណ៍នៃដំណាក់កាល២០២៦ - ២០៣០ ជៀសវាងការកំណត់ទិសដៅធំពេក ខ្ពស់ពេក។

គណៈកម្មាធិការអចិន្ត្រៃយ៍រដ្ឋសភាសំណូមពរធ្វើឱ្យច្បាស់លាស់នូវមូលដ្ឋានកសាងប្រភពធនធានសរុបដែលកៀរគរអនុវត្តកម្មវិធីរួមបញ្ចូល មានការប្រៀបធៀប សមស្រប និងស្មើភាពជាមួយកម្មវិធីចំនួន៣នៃដំណាក់កាលមុន ស្រាវជ្រាវកំណត់ច្បាស់លាស់នូវប្រភពធនធានសម្រាប់សមាសភាគនីមួយៗ គិតគូររចនាសម្ព័ន្ធប្រភពទុន និងលទ្ធភាពកៀរគរ ជៀសវាងភាពផ្ទុយគ្នារវាងទិសដៅនិងប្រភពធនធាន វាយតម្លៃឱ្យបានល្អិតល្អន់លទ្ធភាពពង្រាយទុនបដិភាគរបស់ភូមិភាគ និងសហគមន៍ កំណត់សមាមាត្រទុនបដិភាគសមស្របចំពោះភូមិភាគដែលលំបាក តំបន់ជនជាតិភាគតិច និងតំបន់ភ្នំ...៕

ប្រភពữ Vietnamnet.vn - សុផន

ចែករំលែកអត្ថបទ

ពាក្យគន្លឹះ