សុខភាព - អប់រំ សុខភាព

19/12/2017 - 14:50

បង្កើនស្មារតីថែទាំសុខភាពផ្ទាល់ខ្លួន

តាមប្រសាសន៍បងស្រីនាងសម្បូរ ប្រធានការិយាល័យជនជាតិស្រុកទ្រីតូង ខេត្តអាងយ៉ាង ឲ្យដឹង៖ ស្មារតីថែទាំសុខភាពផ្ទាល់ខ្លួននិងគ្រួសាររបស់ប្រជាជនលើភូមិសាស្រ្តបានកើនឡើងយ៉ាងច្បាស់។

ដំណាក់សុខាភិបាលឃុំអូរឡឹមទើបកសាងថ្មី។

ក្នុង២ឆ្នាំ២០១៦-២០១៧ ស្រុកទ្រីតូងបានពិនិត្យមើល ជូនប័ណ្ណធានារ៉ាប់រងសុខាភិបាលបន្ថែមដល់៥៥.០៧៨លើកនាក់ ជាជនជាតិភាគតិច។ ដើម្បីអនុវត្តល្អការងារពិនិត្យព្យាបាលជំងឺជូនប្រជាជនមានប័ណ្ណធានារ៉ាប់រងសុខាភិបាល ដំណាក់សុខាភិបាល នៅលើភូមិសាស្រ្តស្រុកទ្រីតូងត្រូវបានកសាងថ្មី និងបង្កើនកម្រិត។ អាស្រ័យហេតុនេះ ដំណាក់សុខាភិបាលអនុវត្តបានល្អនូវកម្មវិធីជាតិស្ដីពីសុខាភិបាល។ អូរឡឹមជាឃុំលំបាកពិសេស ម៉្លោះហើយដំណាក់សុខាភិបាលឃុំគឺជាផ្នែកសំ ណង់មួយក្នុងចំណោមហេដ្ឋារចនាសម្ពន្ធ ដំបូងបង្អស់ត្រូវបានកសាងថ្មី វេជ្ជបណ្ឌិតង្វៀនវុាំងថាញ ប្រធានដំណាក់សុខាភិបាលអូរឡឹម ឲ្យដឹង៖ “ដំណាក់អនុវត្តបានល្អនូវកម្មវិធីសុខាភិបាលជាតិ ថែទាំសុខភាពជូនប្រជាជន បង្កើនការអប់រំ លើកកម្ពស់ចំណេះដឹងក្នុងការបង្ការបង្ក្រាបរោគរាលដាល់ ជានិច្ចកាលម្ចាស់ការរកឃើញនិងកម្ចាត់សម្បុករោគឆ្លងនៅលើភូមិសាស្រ្ត។ ម្យា៉ងទៀតដំណាក់តែងឃោសនា ចលនាប្រជាជនកម្ចាត់មូសកម្ចាត់ ដង្កូវទឹកបង្ការរោគគ្រុនឈាម និងរំដោះទឹកកកស្ទះក្នុងលូប្រឡាយមិនឲ្យមូសកើត។ បើកទូលាយការងារចាក់ថ្នាំបង្ការរោគធានាសម្រេច១០០% នៃផែនការ។ សរុបនាក់ជំងឺដែលមកពិនិត្យព្យាបាលនៅដំណាក់សុខាភិបាលចំនួន១១.១៨៧លើកនាក់ ក្នុងនោះ ពិនិត្យដោយប័ណ្ណធានារ៉ាប់រងចំនួន៣.០០៩លើកនាក់ ក្មេងអាយុ ក្រោម៦ឆ្នាំចំនួន១.១៣៣លើក។ល។”។ ចំណែកនៅឃុំណុយតូ សមាគមឱសថបុរាណសហការជាមួយដំណាក់សុខាភិបាល ពិនិត្យព្យាបាលជូន២.៧៧៧លើកនាក់ ក្នុងនោះ ចាក់ម្ជុលវិទ្យាសាស្រ្តដោយមិនប្រើថ្នាំ៩៤នាក់។ ចំនួនអ្នកជំងឺដែលផ្ដល់ថ្នាំក្នុងមួយនាក់/៦ ធៀបសរុប១៦.៥៤២ធៀបថ្នាំ (មិនបាច់បង់ថ្លៃ)។

តាមប្រសាសន៍លោកត្រឹងទ្រឿងហាយ ប្រធានគណៈកម្មាធិការប្រជាជនឃុំអូរឡឹម ដោយកងជួរគ្រូពេទ្យ វេជ្ជបណ្ឌិតសម្រេចបទដ្ឋាន អស់ពីចិត្តជាមួយមូលដ្ឋាន សម្ភារៈសមរម្យបង្កក្ដីជំនឿដល់អ្នកជំងឺ។ ហេតុនេះ ការដឹកនាំប្រជាជនចូលរួមអនុវត្តន៍កម្មវិធីទិសដៅសុខាភិបាលជាតិបានងាយស្រួលជាង។ ក្នុងឃុំដែលមានជនរួមជាតិខ្មែររស់ នៅច្រើនកុះករ ដំណាក់សុខាភិបាលកសាងប្រព័ន្ធសហការីជនជាតិខ្មែរយល់ច្បាស់ពីរបៀបរស់នៅ សន្ទនាបានជាមួយជនរួមជាតិខ្មែរ ម៉្លោះហើយការចលនាក៏ងាយស្រួល។ បងស្រីនាងចន្ទដូរ៉ា អនុប្រធានសមាគមនារីឃុំណុយតូ រៀបរាប់៖ “បងប្អូនទទួលបន្ទុកខាងសាខាសមាគមនារីឃុំក៏ជាសហការីសុខាភិបាលរបស់ភូមិ ម៉្លោះហើយរាល់ការផ្សព្វផ្សាយតែងបានផ្កួបបញ្ចូល។ តួយ៉ាងដូចផ្សព្វផ្សាយប្រជុំក្រុមនារីប្រិតសំចៃ សហការីសុខាភិបាលក៏បានផ្សព្វផ្សាយការចលនាប្រជាជនហូបឆ្អិន ផឹកឆ្អិន អនាម័យផ្ទះសម្បែងបង្ការរោគពង់ដៃជើងមាត់ គ្រុនឈាម។ល។”៕

ហាថាញ-ទីទុយ

ចែករំលែកអត្ថបទ

ពាក្យគន្លឹះ