គោលនយោបាយ -ការរស់នៅ ច្បាប់

18/08/2025 - 14:25

អង្គការ បុគ្គល អាចជ្រើសរើសចុះបញ្ជីយានយន្តនៅនគរបាលឃុំ សង្កាត់ចំណុះខេត្ត ក្រុងកន្លែងស្នាក់នៅ

សារាចរលេខ ៥១/២០២៥/TT-BCA របស់ក្រសួងនគរបាលធ្វើវិសោធនកម្មនូវមាត្រាមួយចំនួននៃសារាចរលេខ ៧៩/២០២៤/TT-BCA បានកំណត់អំពីការផ្តល់និងដកហូតវិញ្ញាបនបត្រ ចុះបញ្ជីយានយន្ត ផ្លាកលេខយានយន្តម៉ូតូ មានសុពលភាពចាប់ពីថ្ងៃទី ១ ខែកក្កដា ឆ្នាំ២០២៥។

ប្រជាជនមកចុះបញ្ជីផ្លាកលេខយានយន្តនៅការិយាល័យប៉ូលិសចរាចរណ៍
នគរបាលទីក្រុងកឹងធើ។

យោងតាមនោះ អង្គការ បុគ្គលនៅក្នុងប្រទេសអាចជ្រើសរើសចុះបញ្ជីយានយន្តនៅការិយាល័យប៉ូលិសចរាចរណ៍ឬនគរបាលឃុំ សង្កាត់ តំបន់ពិសេសនៅក្នុងខេត្តក្រុងតាមសេចក្តីកំណត់។

ចំពោះអង្គការ បុគ្គលដែលឈ្នះការដេញថ្លៃផ្លាកលេខយានយន្ត អាចជ្រើសរើសចុះបញ្ជី ផ្តល់ផ្លាកលេខយានយន្តដែលឈ្នះការដេញថ្លៃនៅស្ថាប័នចុះបញ្ជីយានយន្តក្នុងខេត្តក្រុងដែលអង្គការ បុគ្គលមានទីស្នាក់ការនិងកន្លែងស្នាក់នៅ ឬនៅការិយាល័យប៉ូលិសចរាចរណ៍គ្រប់គ្រងផ្លាកលេខយានយន្តដែលបានដេញថ្លៃ។ ចំពោះយានយន្តមានប្រភពពីការដកហូត ត្រូវទៅចុះបញ្ជីនៅការិយាល័យប៉ូលិសចរាចរណ៍។

លោកង្វៀងវុាំងកាន់ នៅសង្កាត់កៃរុាំង ទីក្រុងកឹងធើ ចែករំលែក៖ “ខ្ញុំទើបទិញម៉ូតូឱ្យកូនទៅរៀន ពេលដឹងព័ត៌មានថា កន្លែងស្នាក់នៅត្រូវបានអនុញ្ញាតឱ្យចុះបញ្ជីយានយន្ត ខ្ញុំបានមកទីស្នាក់ការនគរបាលសង្កាត់កៃរុាំងធ្វើបែបបទ ចុះបញ្ជី។ បទប្បញ្ញត្តិនេះគឺសមហេតុផល ងាយស្រួលប្រជាជនមិនចាំបាច់ទៅឆ្ងាយ កាត់បន្ថយស្ថានភាពហួសចំណុះនៅកន្លែងតែមួយ...”។

ការលុបចោលព្រំប្រទល់រដ្ឋបាលក្នុងការចុះបញ្ជីយានយន្ត ត្រូវបានចាត់ទុកជាការផ្លាស់ប្តូរដ៏សំខាន់ក្នុងការធ្វើទំនើបកម្មសេវារដ្ឋ ជួយសន្សំសំចៃពេលវេលានិងថវិកាធ្វើដំណើរទៅមករបស់ប្រជាជន៕

អត្ថបទនិងរូបថត៖ ស្វឹងដាវ-មុនី

ចែករំលែកអត្ថបទ

ពាក្យគន្លឹះ