សុខភាព - អប់រំ សុខភាព

05/08/2025 - 09:28

យកចិត្តទុកដាក់ថែទាំសុខភាពជូនជនរួមជាតិភាគតិច

តាមប្រសាសន៍លោកយ័ញភុក នាយកមន្ទីរជនជាតិនិងសាសនាខេត្តអាងយ៉ាង ក្រោយពីរួម បញ្ចូលអាងយ៉ាងជាខេត្តមានភូមិសាស្រ្តធំទូលាយ មានភ្នំ មានសមុទ្រ មានតំបន់ព្រំដែន។ល។ ដូច្នេះ មានខ្លឹមសារមួយក្នុងចំណោមខ្លឹមសារដែលភូមិភាគយកចិត្តទុកដាក់ គឺបង្កលក្ខណសម្បត្តិងាយស្រួលដើម្បីថែទាំសុខភាពជូនជនរួមជាតិភាគតិច។

ដំណាក់សុខាភិបាលតំបន់ជនជាតិភាគតិចនៅខេត្តអាងយ៉ាង ឆ្លើយតបនឹងតម្រូវការថែទាំសុខភាពបឋមជូនប្រជាជន។

យោងតាមស្ថិតិរបស់មន្ទីរជនជាតិនិងសាសនាខេត្តអាងយ៉ាង លក្ខណៈងាយស្រួលដំបូងក្នុងការងារថែទាំសុខភាព គឺដំណាក់សុខាភិបាលនៅតំបន់ជនជាតិភាគតិចក្នុងខេត្តភាគច្រើនសម្រេចបទដ្ឋានជាតិ។ នេះជាលទ្ធផលនៃដំណើរការដែលភូមិភាគអនុវត្តកម្មវិធី គម្រោងរបស់មជ្ឈិមនិងរបស់ភូមិភាគសម្រាប់តំបន់ជនជាតិភាគតិច។ល។ ឆ្លងតាម រយៈការអនុវត្តកម្មវិធី គម្រោងនានា បានជួយឱ្យហេដ្ឋារចនាសម្ព័ន្ធមូលដ្ឋានមានភាពល្អប្រសើរ ពីមួយថ្ងៃទៅមួយថ្ងៃ ក្នុងនោះ រួមទាំងប្រព័ន្ធសុខាភិបាលនៅមូលដ្ឋាន។ ដំណាក់សុខាភិបាលនានានៅតំបន់ជនជាតិភាគតិច ឥឡូវនេះ មានលទ្ធភាពផ្គត់ផ្គង់សេវាថែទាំសុខភាពមូលដ្ឋានជូនជនជាតិភាគតិចនៅតំបន់ឆ្ងាយដាច់ស្រយាល។ ខណៈពេលប្រជាជនមានភាពងាយស្រួលក្នុងការទទួលសេវាសុខាភិបាល ប្រភេទជំងឺទូទៅពីមុន ដូចជា៖ កង្វះអាហារូបត្ថម្ភ ជំងឺឆ្លងជាដើម ក៏បានថយចុះ។ ផ្ដើមពីនោះ បង្កើនគុណភាពនៃជីវភាពរបស់ប្រជាជនកាន់តែល្អប្រសើរ។

លោកយ័ញថៀងភុក កម្មាភិបាលពេទ្យឃុំហ្គក្វាវ បានឱ្យដឹង ប្រការដែលនាំមកនូវភាពជោគជ័យនៃកម្មវិធីថែទាំសុខភាពជូនជនរួមជាតិភាគតិចលើភូមិសាស្រ្ត គឺឥទ្ធិពលវិជ្ជមាននៃការបញ្រ្ជាបយេនឌ័រ និងការអនុវត្តសមភាពយេនឌ័រក្នុងតំបន់ជនជាតិភាគតិច។ ឆ្លងតាមរយៈការ ផ្សព្វផ្សាយចំណេះដឹង បំណិនពាក់ព័ន្ធដល់សមភាពយេនឌ័រនិងការគាំពារកុមាររបស់ស្រ្ដីជនជាតិភាគតិចមានការផ្លាស់ប្ដូរជាវិជ្ជមាន។ ផ្ដើមពីនោះ ការយល់ដឹងនិងទង្វើក្នុងការបង្ការទប់ស្កាត់នឹងអំពើហិង្សា រំលោភបំពានលើកុមារ; ជាពិសេស ការរំលោភបំពានផ្លូវភេទ បញ្ហាសុខភាពបន្តពូជនិងរៀបការមិនទាន់គ្រប់អាយុ; បញ្ហាសង្គមនៅតំបន់ជនជាតិភាគតិចត្រូវបានអនុវត្តល្អនិងមានការរីកសាយភាយស៊ីជម្រៅជាបណ្ដើរៗ។ ហេតុនេះ បានបង្កលក្ខណៈនិងឱកាសសម្រាប់ស្រ្តី និងកុមារីអំណះអំណាងពីតួនាទីក្នុងគ្រួសារនិងចូលរួមកសាងអភិវឌ្ឍសហគមន៍។

បងស្រីធីត្វង នៅឃុំហ្គក្វាវ ឱ្យដឹង៖ “បន្ទាប់ពីបានស្ដាប់កម្មាភិបាលពេទ្យពន្យល់ប្រាប់អំពីសុខភាពបន្តពូជ ខ្ញុំបានយកចិត្តទុកដាក់ពិនិត្យគភ៌តាមកាលកំណត់ ដូច្នោះ ដំណើរការសម្រាលកូនមិនជួបលំបាក។ បន្ទាប់ពីសម្រាលរួច ខ្ញុំក៏បានរៀនសូត្រពីរបៀបថែទាំទារក មិនធ្វើតាមទម្លាប់ចាស់។ មកទល់បច្ចុប្បន្ន កូនស្រីខ្ញុំមានសុខភាពល្អហើយទម្ងន់សមនឹងវ័យអាយុ”៕

ហាថាញ - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ