គោលនយោបាយ -ការរស់នៅ ច្បាប់

25/07/2023 - 10:04

ករណី៨ចំណុច ដកហូតប័ណ្ណចុះឈ្មោះយានយន្ត ផ្លាកលេខយានយន្តចាប់ថ្ងៃ១៥/៨/២០២៣

ថ្ងៃ០១/៧/២០២៣ ក្រសួងនគរបាលបានប្រកាសឱ្យប្រើសារាចរលេខ ២៤/២០២៣TT-BCA កំណត់អំពីការផ្ដល់ ដកហូតប័ណ្ណចុះឈ្មោះយានយន្ត ផ្លាកលេខយានយន្ត។

រូបថតជាឧទាហរណ៍។

តាមរយៈនោះ មានករណី៨ចំណុច ត្រូវដកហូតប័ណ្ណចុះឈ្មោះយានយន្ត ផ្លាកលេខយានយន្ត រួមមាន៖

១- យានយន្តខូច មិនអាចប្រើបា្រស់បាន ត្រូវកម្ទេចចោលដោយមូលហេតុសត្យានុម័ត។

២- យានយន្តផុតកំណត់ មិនអនុញ្ញាតឱ្យចរាចរតាមសេចក្តីកំណត់នៃច្បាប់។

៣- យានយន្តត្រូវចោរលួច ប្លន់ រកមិនឃើញ ឬយានយន្តខូចបោះចោល ម្ចាស់យានយន្តស្នើដកហូតប័ណ្ណចុះឈ្មោះយានយន្ត ផ្លាកលេខយានយន្ត។

៤- យានយន្តនាំចូលលើកលែងពន្ធ ឬយានយន្តនាំចូលបណ្ដោះអាសន្នរបស់ស្ថាប័ន អង្គភាព បុគ្គលជាជនបរទេសរួចនាំចេញវិញ ផ្ទេរកម្មសិទ្ធិ ឬកម្ទេចចោល។

៥- យានយន្តចុះឈ្មោះនៅតាមមណ្ឌលសេដ្ឋកិច្ច តាមសេចក្ដីកំណត់របស់រដ្ឋាភិបាល នៅពេលនាំចេញវិញ ឬផ្ទេរកម្មសិទ្ធិមកឱ្យវៀតណាម។

៦- យានយន្តធ្វើបែបបទចុះបញ្ជីផ្ទេរឈ្មោះ ផ្លាស់ប្ដូរទីតាំង។

៧- យានយន្តដោះម៉ាស៊ីន ដោះតួដើម្បីចុះបញ្ជីឱ្យយានយន្តផ្សេង។

៨- យានយន្តដែលបានចុះឈ្មោះ ប៉ុន្តែពិនិត្យឃើញមានឯកសារក្លែងក្លាយ ឬមានការបញ្ជាក់របស់ស្ថាប័នសមត្ថកិច្ច ថាតួម៉ាស៊ីន លេខតួ ត្រូវបានកាត់ភ្ជិត ចោះឡើងវិញ លុបឬផ្ដល់ផ្លាកលេខមិនត្រឹមត្រូវតាមច្បាប់។

បែបបទដកហូតត្រូវបានធ្វើឡើងតាមច្រកសេវាសារធារណៈអនឡាញទូទាំងប្រទេស ចំពោះករណីទី១, ២, ៣ៈ

- ម្ចាស់យានយន្តរៀបរាប់លើលិខិតដកហូតប័ណ្ណចុះឈ្មោះយានយន្ត ផ្លាកលេខយានយន្ត លើច្រកទ្វារអេឡិចត្រូនិកសេវាសាធារណៈ និងប្រគល់ប័ណ្ណចុះឈ្មោះយានយន្ត ផ្លាកលេខយានយន្តជូនស្ថាប័នចុះឈ្មោះយានយន្ត តាមរយៈសេវាប្រៃសណីយ៍។

- បន្ទាប់ពីទទួលពិនិត្យឃើញឯកសារស្របច្បាប់ ស្ថាប័នចុះឈ្មោះយានយន្ត ប្រគល់លទ្ធផលជាលិខិតបញ្ជាក់ដកហូតប័ណ្ណចុះឈ្មោះយានយន្ត ផ្លាកលេខយានយន្តទៅម្ចាស់យានយន្ត តាមរយៈច្រកទ្វារអេឡិចត្រូនិកសេវាសាធារណៈ។

បែបបទដកហូតអនុវត្តតាមរយៈសេវាសារធារណៈអនឡាញមួយភាគ

- ម្ចាស់យានយន្តរៀបរាប់លើលិខិតដកហូតប័ណ្ណចុះឈ្មោះយានយន្ត ផ្លាកលេខយានយន្ត លើច្រកទ្វារអេឡិចត្រូនិកសេវាសាធារណៈ; ផ្ដល់ជូនលេខកូដឯកសារចុះឈ្មោះយានយន្ត អនឡាញ និងដាក់ពាក្យសុំដកហូត; ទទួលលិខិតណាត់ប្រគល់លទ្ធផលចុះឈ្មោះយានយន្តតាមសេចក្តីកំណត់នៃច្បាប់។

- បន្ទាប់ពីទទួល ពិនិត្យឃើញឯកសារស្របច្បាប់ គឺស្ថាប័នចុះឈ្មោះយានយន្តផ្ដល់ជូនលិខិតបញ្ជាក់ដកហូតប័ណ្ណចុះឈ្មោះយានយន្ត ផ្លាកលេខយានយន្តតាមសេចក្តីកំណត់នៃច្បាប់; ០១ច្បាប់ជូនទៅម្ចាស់យានយន្ត; ០១ច្បាប់រក្សាទុកជាឯកសារយានយន្ត។

ករណីដកហូតចំពោះករណី៤, ៥, ៦, ៧ គឺលិខិតបញ្ជាក់ដកហូតប័ណ្ណចុះឈ្មោះយានយន្ត ផ្លាកលេខយានយន្ត មានបិទកាល់លេខម៉ាស៊ីន លេខតួយានយន្ត មានបោះត្រាភ្ជាប់មុខរបស់ ស្ថាប័នចុះឈ្មោះយានយន្ត លើកាល់លេខម៉ាស៊ីន លេខតួយានយន្ត។

សារាចរលេខ ២៤/២០២៣/TT-BCA មានសុពលភាពចាប់ពីថ្ងៃ១៥/៨/២០២៣៕

ប្រភពៈ Luatvietnam.vn- ប្រែសម្រួលៈ ពេជ្រសឿន

ចែករំលែកអត្ថបទ

ពាក្យគន្លឹះ