មហាសាមគ្គីជនជាតិ ភូមិស្រុកផ្លាស់ថ្មី

14/03/2023 - 09:20

ក្តីរីករាយឃុំជនបទថ្មីកម្រិតខ្ពស់

តាំងពីកសាងឃុំជនបទថ្មីកម្រិតខ្ពស់សម្រេចជាស្ថាពរ ឃើញថា ហេដ្ឋារចនាសម្ព័ន្ធនៅឃុំដាយតឹម ស្រុកមីស្វៀង ខេត្តសុកត្រាំង កាន់តែសមរម្យ ជីវភាពប្រជាជនបានលើកស្ទួយ។

ឃុំដាយតឹម បានទទួលស្គាល់ជាឃុំជនបទថ្មីកម្រិតខ្ពស់។

ឆ្នាំ ២០១៥ ដាយតឹមជាឃុំដំបូងបង្អស់របស់ស្រុកបានកសាងសម្រេចបទដ្ឋានជនបទថ្មី។ នេះជាបុព្វបទដ៏សំខាន់ដើម្បីឃុំបន្តលើកកម្ពស់គុណភាពលក្ខឋាន ឆ្ពោះទៅកាន់ឃុំជនបទថ្មីកម្រិតខ្ពស់។ មកទល់ពេលនេះ ឃុំបានទទួលស្គាល់ជាឃុំជនបទថ្មីកម្រិតខ្ពស់ គឺជាក្តីសប្បាយរីករាយទូទាំងបក្ខភាគ និងប្រជាជន។ លោកត្រឹងជិញតឹម ប្រធានគណៈកម្មាធិការប្រជាជនឃុំដាយតឹម ឱ្យដឹង៖ “ឃុំមានជនរួមជាតិខ្មែររស់នៅជិត ៨៥% ឃុំបានសម្រេចបទដ្ឋានជនបទថ្មីកម្រិតខ្ពស់ គឺជាសមិទ្ធផលនៃការស្រុះស្រួលទាំងកម្លាំងកាយចិត្តទូទាំងបក្ខភាគ រដ្ឋអំណាច បំផុតគឺការព្រួតដៃដ៏សកម្មរបស់ប្រជាជន។ ក្នុងការកសាងជនបទថ្មីកម្រិតខ្ពស់ ឃុំបានកៀរគរប្រភពទុនបានជាង ១៨៦,៧ ពាន់លានដុង ក្នុងនោះប្រជាជនរួមវិភាគទាន ៤៦,១ ពាន់លានដុង។ ពិសេស ឃុំបានវិនិយោគបង្កើនកម្រិតបើកទូលាយផ្លូវក្នុងភូមិ និងផ្លូវអន្តរភូមិបាន ១៥ ខ្សែ មានប្រវែង ៩,៨ គីឡូម៉ែត្រ។ មកទល់ពេលនេះ ផ្លូវចូលកាន់ភូមិ ១០០% ត្រូវបានក្រាលបេតុងរួចរាល់ បង្កលក្ខណៈងាយស្រួលសម្រាប់ប្រជាជនដោះដូរទំនិញ រួមចំណែកបង្កើនប្រាក់ចំណូល”។

ប្រព័ន្ធធារាសាស្រ្តសម្រេចរួចរាល់ មានទឹកសាប កសិករអាចដាំដំណាំរួមផ្សំបានគ្រប់រដូវ
ដើម្បីបង្កើនប្រាក់ចំណូល។

ផ្តើមពីប្រភពទុនពីកម្មវិធីទិសដៅជាតិ កាត់បន្ថយភាពក្រីក្រប្រកបដោយចីរភាព និងទុនកសាងជនបទថ្មី ឃុំបានផ្សព្វផ្សាយកសាងនូវទម្រង់ជាច្រើន ដូចជា៖ ទម្រង់ចិញ្ចឹមសត្វ ផលិតកម្ម និងជួញដូរសម្រេចបានប្រសិទ្ធភាព។ បច្ចុប្បន្ន ប្រាក់ចំណូលមធ្យមភាគលើមនុស្សម្នាក់របស់ឃុំដាយតឹម សម្រេចបាន ៦៤,៧៦ លានដុង/ម្នាក់/ឆ្នាំ; មាន ១០០% គ្រួសារមានអគ្គិសនីប្រើប្រាស់ មាន ៧៨៨% គ្រួសារមានទឹកស្អាតប្រើប្រាស់ អត្រាគ្រួសារក្រីក្រថយចុះនៅត្រឹមតែ ១,៩៦% ។ល។ លោកហឿថាញ់ ងៀ ប្រធានក្រុមសហការនៅភូមិដាយអឹង ឱ្យដឹង៖ “ចាប់ពីឃុំបានទទួលស្គាល់ជនបទថ្មី មាមីងខ្មែរបានចូលរួមក្រុមសហការផលិតពូជស្រូវ ST ស្រូវក្រអូប និង RVT ។ល។ ព្រមទាំងអនុវត្តបច្ចេកទេសជឿនលឿន ម្ល៉ោះហើយស្រូវសម្រេចបានទិន្នផលនិងគុណភាពខ្ពស់។ ទន្ទឹមនឹងនោះ ក្រុមសហការផលិតនៅទាំងចុះកិច្ចសន្យាជាមួយនឹងអាជីវកម្ម ប្រមូលទិញស្រូវ លំនឹងច្រកចេញ មាមីងស្ងប់ចិត្តក្នុងការផលិតកម្ម។ ផ្តើមពីនោះ ជីវភាពមាមីងបានលើកស្ទួយ និងព្រួតដៃជាមួយនឹងរដ្ឋអំណាចកសាងជនបទថ្មីកម្រិតខ្ពស់។ ឥឡូវ សម្លឹងមើលតំបន់ជនបទមានភាពវិវឌ្ឍន៍មិនខុសពីទីក្រុងឡើយ មាមីងរីករាយត្រេកអរគ្រប់គ្នា បំផុតគឺផ្លូវជនបទសុវត្ថិភាព ភ្លឺ បៃតង ជ្រះ ស្អាត”។

លោកត្រឹងជិញតឹម អំណះអំណាង៖ “កសាងជនបទថ្មីកម្រិតខ្ពស់ មានចំណុចចាប់ផ្តើម ប៉ុន្តែគ្មានចំណុចបញ្ចប់ ចំណែកអ្នកទទួលផលគឺប្រជាជន។ ហេតុនោះ ឃុំផ្តុំកម្លាំងលើកកម្ពស់គុណភាពលក្ខឋានដើម្បីឆ្ពោះទៅកាន់ឃុំជនបទថ្មីគំរូ។ ទន្ទឹមនឹងនោះ ចង្អុលការដល់អង្គការមហាជននានា សហការជាមួយនឹងអ្នកមានប្រជាប្រិយ ជំរុញការឃោសនា ចលនាប្រជាជន ពង្រីកអស់ពីលទ្ធភាពតួនាទីជាតួអង្គសំខាន់ក្នុងការអនុវត្តផង និងជាមុខសញ្ញាទទួលផលនូវសមិទ្ធផលដែលសម្រេចបានផង; ផ្តុំកម្លាំងអនុវត្តមានប្រសិទ្ធភាព កម្មវិធីឃុំមួយផលិតផលមួយ; អភិវឌ្ឍន៍ខ្លាំងក្លានិងមានប្រសិទ្ធភាពសេដ្ឋកិច្ចប្រមូលផ្ដុំ ដែលចំណុចសំខាន់គឺអភិវឌ្ឍន៍សហករណ៍ជាដើម”៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ