គោលនយោបាយ -ការរស់នៅ ច្បាប់

06/12/2022 - 10:47

ព្រមានពីឧក្រិដ្ឋកម្មរដូវប្រកួតបាល់ទាត់

រយៈពេលកន្លង កម្លាំងនគរបាលបានប្រទះឃើញនិងធ្វើការបង្ក្រាបជោគជ័យជាបន្តបន្ទាប់ បណ្ដាញលេងល្បែងស៊ីសង ភ្នាល់បាល់អនឡាញ ដោយទឹកប្រាក់ឡើងដល់រាប់ពាន់ពាន់លានដុង; ឃើញថា ឧក្រិដ្ឋកម្មភ្នាល់បាល់អនឡាញ មានទិន្នាការប្រែប្រួលយ៉ាងស្មុគស្មាញ បំផុតគឺរដូវប្រកួតទាត់បាល់ World Cup ២០២២នេះ។

 រូបថតជាឧទាហរណ៍។

ចំពោះមុខស្ថានភាពដូចពោលខាងលើ ឧត្តមសេនីយ៍ទោ តូអឹងសូ នាយខុទ្ទកាល័យ អ្នកនាំពាក្យក្រសួងនគរបាល បានដោះដូរព័ត៌មានមួយចំនួនព្រមានចំពោះប្រភេទឧក្រិដ្ឋកម្មនេះ។

អំពីវិធីសាស្រ្ត កលល្បិចសកម្មភាព ឧត្តមសេនីយ៍ទោ តូអឹងសូ ឱ្យដឹង៖ បណ្ដាញភ្នាល់បាល់បានកើតឡើងដោយសារមុខសញ្ញាមេខ្លោង ចាត់តាំងលេងល្បែងស៊ីសងជំនាញ ភាគច្រើនគឺមុខសញ្ញាធ្លាប់ជាប់គុក ពួកក្រុម “បងធំ” ចាប់ដៃជាមួយនឹង “មេល្បែងស៊ីសង” គ្រប់គ្រង គេហទំព័រភ្នាល់ល្បែង (M88.com, Fun88.com, Bong88.com ជាដើម) ដែលមានម៉ាស៊ីមេដាក់នៅបរទេស ដើម្បីបង្កើតសាខាចាត់តាំងភ្នាល់បាល់អនឡាញនៅវៀតណាម ធ្វើការផ្សាយពាណិជ្ជកម្ម ស្វាគមន៍ដោយរូបភាពគួរឱ្យចាប់អារម្មណ៍ជាភាសាវៀត។

មុខសញ្ញាឧក្រិដ្ឋកម្មភ្នាល់បាល់អនឡាញ មានទំនាក់ទំនងស្អិតល្មួតនឹងគ្នានិងមានកលល្បិចខ្ពស់ណាស់ ដើម្បីតទល់ជាមួយនឹងស្ថាប័នសមត្ថកិច្ច ដូចជា៖ ប្រើប្រាស់ឧបករណ៍ទូរស័ព្ទឆ្លាតវៃ មានតភ្ជាប់បណ្តាញអ៊ីនធឺណិត ដើម្បីដោះដូរព័ត៌មាន អនុវត្តទង្វើបំពានច្បាប់; ឆ្លៀតឱកាសថ្លោះធ្លោយក្នុងការគ្រប់គ្រង ត្រួតពិនិត្យបណ្តាញ គ្រប់គ្រងស៊ីមកាតខុសច្បាប់ គ្រប់គ្រងទូទាត់ដើម្បីប្រព្រឹត្តបទល្មើស។

អ្នកលេងគ្រាន់តែមានឧបករណ៍តភ្ជាប់អ៊ីនធឺណិត ចុះឈ្មោះគណនីសមាជិក មានគណនីផ្ទាល់ខ្លួននៅតាមធនាគារនានា វេរប្រាក់ចូលគណនី ឬបញ្ចូលប្រាក់ភ្នាល់ល្បែងតាមរយៈកាតទូរស័ព្ទ និងតាមរយៈច្រកទ្វារអន្តរករទូទាត់ ដើម្បីចូលរួមភ្នាល់។

ប្រសិនបើចាញ់គ្មានប្រាក់ទូទាត់ទេ អ្នកលេងអាចត្រូវមុខសញ្ញាមេខ្លោងចាប់បង្ខំឱ្យសងប្រាក់ ដោយរូបភាពផ្សេងៗ ដូចជាចាប់ខ្លួន រឹបអូសទ្រព្យសម្បត្តិ ឬជួលមុខសញ្ញាធ្លាប់ជាប់គុកឱ្យទារបំណុលជាដើម។

ដើម្បីម្ចាស់ការបង្ការ ទប់ស្កាត់ ប្រយុទ្ធជាមួយនឹងប្រភេទឧក្រិដ្ឋកម្មលេងល្បែងស៊ីសងដោយរូបភាពភ្នាល់បាល់អនឡាញ ក្រសួងនគរបាលសំណូមពរ៖

ប្រជាជនគ្រប់រូប គប្បីលើកកម្ពស់ស្មារតីប្រតិបត្តិតាមសេចក្តីកំណត់នៃច្បាប់ដែលទាក់ទងនឹងឧក្រិដ្ឋកម្ម និងបាបគ្រោះល្បែងស៊ីសង បំផុតគឺភ្នាល់បាល់; ត្រូវមានស្មារតីយល់ដឹងពីផលវិបត្តិ ផលប៉ះពាល់នៃបាបគ្រោះល្បែងភ្នាល់បាល់ចំពោះខ្លួន គ្រួសារនិងសង្គម; ដាច់ខាតមិនចូលរួមភ្នាល់បាល់គ្រប់រូបភាព។

យកចិត្តទុកដាក់គ្រប់គ្រង អប់រំ ចលនា សាច់ញាតិ និងអ្នករស់នៅជុំវិញខ្លួនលើកកម្ពស់ស្មារតីប្រុងប្រយ័ត្ន ចៀសវាងពីការភ្នាល់បាល់។

ក្នុងករណីប្រទះឃើញមុខសញ្ញាមានអាការៈ សង្ស័យទាក់ទងនឹងការភ្នាល់បាល់ គប្បីជូនដំណឹងថ្កោលទោសជាបន្ទាន់ដល់ស្ថាប័ននគរបាលនៅជិតបំផុត ឬតាមរយៈលេខទូរសព្ទទាន់ហេតុការណ៍របស់នាយកដ្ឋានប៉ូលិសព្រហ្មទណ្ឌ ក្រសួងនគរបាល (០៦៩២៣៤៨៥៦៩) ដើម្បីមានវិធានការសើុបអង្កេត វិនិច្ឆ័យ រួមចំណែកធ្វើឱ្យស្អាតបរិស្ថានសង្គម។

កម្លាំងប៉ូលិសព្រហ្មទណ្ឌ សន្តិសុខបណ្តាញ និងបង្ការ ទប់ស្កាត់ឧក្រិដ្ឋកម្មបច្ចេកវិទ្យាខ្ពស់ គ្រប់គ្រងរដ្ឋបាលអំពីសណ្តាប់ធ្នាប់សង្គម និងកងកម្លាំងជំនាញផ្សេងៗទៀត ចូលរួមអនុវត្តនូវវិធានការវិជ្ជាជីវៈ បច្ចេកទេសខ្ពស់ ដើម្បីប្រទះឃើញនិងវិនិច្ឆ័យយ៉ាងតឹងរឹងចំពោះមុខសញ្ញាចាត់តាំងឬចូលរួមលេងល្បែងស៊ីសងដោយរូបភាពភ្នាល់បាល់៕

យោង៖ vtv.vn-ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ