ព្រឹត្តិការណ៍ - នយោបាយ ព្រឹត្តិការណ៍

22/07/2026 - 22:23

គណៈជនជាតិនៃក្រុមប្រឹក្សាប្រជាជនទីក្រុងកឹងធើ ពិនិត្យបញ្ជាក់នូវសេចក្តីព្រាងសម្រេចចិត្ត

នៅព្រឹកថ្ងៃទី ២២ ខែកក្កដា គណៈជនជាតិនៃក្រុមប្រឹក្សាប្រជាជនទីក្រុងកឹងធើ បានចាត់តាំងកិច្ចប្រជុំពិនិត្យបញ្ជាក់នូវសេចក្តីព្រាងសម្រេចចិត្តលើកជូននៅក្នុងសម័យប្រជុំលើកទី ៤ របស់ក្រុមប្រឹក្សាប្រជាជន នីតិកាលទី ១១ អាណត្តិកាល ២០២៦ - ២០៣១។ លោក ត្រឹងក្វឹកវ៉ូវ អនុប្រធានក្រុមប្រឹក្សាប្រជាជនទីក្រុង; លោក ង្វៀងវុាំងខើយ អនុប្រធានគណៈកម្មាធិការប្រជាជនទីក្រុង និងតំណាងមន្ទីរ គណៈ ផ្នែកជាប់ពាក់ព័ន្ធបានអញ្ជើញចូលរួម។

អ្នកតំណាងថ្លែងការណ៍ក្នុងពេលពិនិត្យបញ្ជាក់។

ក្នុងកិច្ចប្រជុំនេះ អ្នកតំណាងបានពិនិត្យបញ្ជាក់នូវសេចក្តីព្រាងសម្រេចចិត្តដែលកំណត់កិច្ចការបុគ្គលិក និងថវិកាអនុវត្តការបង្រៀន និងរៀនភាសាវៀតដល់កុមារជាជនជាតិភាគតិចមុនពេលចូលរៀនថ្នាក់ទី ១ និងពង្រាងសេចក្តីសម្រេចចិត្តកំណត់គោលនយោបាយឧបត្ថម្ភដីធ្លីចំពោះជនជាតិភាគតិចដែលរស់នៅលើភូមិឋានទីក្រុងកឹងធើ។

អ្នកតំណាងបានឯកភាពខ្ពស់ចំពោះភាពចាំបាច់ដាក់ឱ្យប្រើនូវសេចក្តីសម្រេចចិត្ត បង្ហាញពីការយកចិត្តទុកដាក់ដ៏ជ្រាលជ្រៅរបស់បក្ស និងរដ្ឋចំពោះជនជាតិភាគតិច។ អ្នកតំណាងបានឯកភាពលើកជូនក្រុមប្រឹក្សាប្រជាជនទីក្រុងពិនិត្យផ្ទៀតផ្ទាត់ និងអនុម័តសេចក្តីកំណត់ឧបត្ថម្ភគ្រូបង្រៀនភាសាវៀតដល់កុមារជាជនជាតិភាគតិចមុនពេលចូលរៀនថ្នាក់ទី ១ ក្នុងរដូវវិស្សមកាល; បំពាក់ឧបករណ៍ប្រើប្រាស់ និងឯកសារសិក្សាដល់កុមារ ១ សម្រាប់ (ខ្ពស់បំផុតមិនលើស ១០០.០០០ ដុង/កុមារ/វគ្គសិក្សា); បំពាក់ឯកសារបង្រៀនមួយសម្រាប់ អាស្រ័យក្រសួងអប់រំ និងបណ្តុះបណ្តាលកំណត់ឱ្យគ្រូបង្រៀន (ខ្ពស់បំផុតមិនលើស ៣៤០.០០០ ដុង/គ្រូ/វគ្គសិក្សា)។

ចំពោះសេចក្តីព្រាងសម្រេចចិត្តកំណត់គោលនយោបាយឧបត្ថម្ភដីធ្លីចំពោះជនជាតិភាគតិចរស់នៅលើភូមិឋានទីក្រុងកឹងធើ អ្នកតំណាងបានឯកភាពខ្ពស់ជាមួយនឹងខ្លឹមសារដែលគណៈកម្មាធិការប្រជាជនទីក្រុងលើកជូនពីគោលការណ៍ លក្ខណៈ និងគោលនយោបាយឧបត្ថម្ភដីធ្លី; គោលនយោបាយធានាដីសកម្មភាពសហគមន៍ដល់ជនជាតិភាគតិច; មូលនិធិដីធ្លី និងថវិកាអនុវត្តគោលនយោបាយឧបត្ថម្ភដីធ្លី...។

លោក ឡឹមថាញវិញ ប្រធានគណៈកម្មការនីតិកម្មនៃក្រុមប្រឹក្សាប្រជាជនទីក្រុង ថ្លែងសេចក្តីសន្និដ្ឋានលើខ្លឹមសារពិនិត្យបញ្ជាក់។

អំពីមតិចូលរួមយោបល់ជាក់ស្តែងមួយចំនួនរបស់អ្នកតំណាងចំពោះសេចក្តីព្រាងសម្រេចចិត្តទាំង ២ លោក ឡឹមថាញវិញ ប្រធានគណៈកម្មការនីតិកម្មនៃក្រុមប្រឹក្សាប្រជាជនទីក្រុង សំណូមពរស្ថាប័នរៀបចំពង្រាងទទួលយក កែសម្រួល បំពេញបន្ថែមនិងសម្រេចរួចរាល់នូវសេចក្តីព្រាងសម្រេចចិត្តមុនពេលលើកជូនក្រុមប្រឹក្សាប្រជាជនទីក្រុងពិនិត្យផ្ទៀងផ្ទាត់ កំណត់សម្រេច៕

ធ្វីឃេ-វិមាន

ចែករំលែកអត្ថបទ

ពាក្យគន្លឹះ