ព្រឹត្តិការណ៍ - នយោបាយ ព្រឹត្តិការណ៍

20/09/2025 - 15:51

ត្រួតពិនិត្យការងារត្រៀមបម្រុងសម្រាប់មហាសន្និបាតតំណាងបក្ខភាគទីក្រុងកឹងធើ អាណត្តិឆ្នាំ ២០២៥-២០៣០

(កឹងធើ) - នៅរសៀលថ្ងៃទី១៩ ខែកញ្ញា លោកដុងវ៉ាំងថាញ អនុលេខាប្រចាំការគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុង ដឹកនាំកិច្ចប្រជុំជាមួយអនុគណៈកម្មការ និងក្រុមបម្រើការងារសម្រាប់មហាសន្និបាត ដើម្បីត្រួតពិនិត្យការងារត្រៀមបម្រុងសម្រាប់មហាសន្និបាត តំណាងបក្ខភាគទីក្រុងកឹងធើ លើកទី១ អាណត្តិឆ្នាំ ២០២៥-២០៣០។

លោកដុងវ៉ាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុង
ដឹកនាំកិច្ចប្រជុំ។

យោងតាមរបាយការណ៍ មកដល់ពេលនេះ សេចក្តីព្រាងរបាយការណ៍ឯកសារមហាសន្និបាតបានរួចរាល់។ គ្រប់ថ្នាក់ គ្រប់ផ្នែកបានជំរុញការងារផ្សព្វផ្សាយអំពីមហាសន្និបាត និងអំពីលទ្ធផលលេចធ្លោដែលទទួលបានក្នុងអាណត្តិ ២០២០-២០២៥ ដោយច្រើនរូបភាព។ អនុគណៈកម្មការនិងក្រុមនានា បានរៀបចំនូវការងារបដិសណ្ឋារៈភ្ញៀវ ការងារផ្នែកព័ស្តុភារ ការរៀបចំពិធីការ ការថែទាំសុខភាពឲ្យអ្នកតំណាងចូលរួម; រៀបចំលិខិតអញ្ជើញនិងមូលដ្ឋានសម្ភារៈបម្រើមហាសន្និបាត…។ កងកម្លាំងនគរបាលទីក្រុងក៏បានចេញ ផែនការធានាសន្តិសុខសណ្តាប់ធ្នាប់មុនពេល ក្នុងកំឡុងពេលនិងក្រោយពីមហាសន្និបាត។

តំណាងថ្នាក់ដឹកនាំនគរបាលទីក្រុង រាយការណ៍ពីផែនការធានាសន្តិសុខសណ្តាប់ធ្នាប់មុនពេល
ក្នុងកំឡុងពេល និងក្រោយពីមហាសន្និបាត។

មានប្រសាសន៍បូកសរុបក្នុងកិច្ចប្រជុំ លោកដុងវ៉ាំងថាញ់ អនុលេខាប្រចាំការគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុង បានចង្អុលការដល់ស្ថាប័ននិងអង្គភាពផ្នែកពាក់ព័ន្ធ បន្តត្រួតពិនិត្យការងារត្រៀមបម្រុង សម្រេចឱ្យបានរួចរាល់ភារកិច្ចតាមផែនការដែលបានកំណត់ ដើម្បីមហាសន្និបាតតំណាងបក្ខភាគទីក្រុងកឹងធើ លើកទី១ អាណត្តិឆ្នាំ២០២៥-២០២៣០ អាចប្រព្រឹត្តទៅដោយជោគជ័យនិងល្អប្រសើរ៕

អាញយុង - ពេជ្រសឿន

ចែករំលែកអត្ថបទ

ពាក្យគន្លឹះ